Footer

450 scholars iti 2nd district, inawatda ti alawansda

CANDON CITY – Nasapa a simmangpet ti Paskua kadagiti ginasut nga iskolar ni Deputy Speaker Eric Singson iti maikadua a distrito.

Itay Oktubre 28, inawat dagiti nasurok uppat a gasut ket limapulo nga iskolar iti maikadua a distrito ken ni Singson ti tsekeda iti programa a mass awarding of scholarship grant certificates and allowances para iti umuna a semestre iti school year 2007-2008 a naangay iti pagtaengan ti diputado iti Barangay San Nicolas ditoy.

Pakairamanan kadagiti immawat dagiti aganay 170 a kabarbaro nga scholars iti babaen ti  Congressman Eric D. Singson Scholarship Grant Batch 1 (CEDSSG B1);  dagiti aganay 147 a sigud a grantess iti babaen ti CEDSSG Batch 2 ; ken dagiti 143 nga iskolar iti babaen ti CEDSSG E-FAST.

Saan a karaman kadagiti immawat iti tseke dagiti scholars babaen ti CHED Scholarship Grantees agsipud ta madama pay ti pannakaiproseso dagiti tsekeda iti CHED regional office.

Napunduan dagitoy nga scholarship dagiti agtutubo a naggapu kadagiti nadumaduma a lugar iti maikadua a distrito ti Ilocos Sur manipud iti inisiatibo ti diputado.

Malaksid kadagitoy nga scholars, adda pay  scholarship grant a naited kadagiti agtutubo nga agnaed iti upland municipalities babaen ti National Commission for Indigent People (NCIP).

Indarirag ni Singson ti panangigaed dagiti agtutubo iti panagbasada  agsipud ta ti edukasion ti naan-anay a mangital-o iti panagbiagda no maileppasda ti kursoda ken makabirokda nga insigida iti trabahoda.#