482 marigrigat a pamilia, nailista iti 4 P’s

SALCEDO, Ilocos Sur – Agdagup iti 482 a marigrigat a pamilia ti nairaman iti listaan ti Pantawid Pampamilyang Pilipino Program (4P’s) ditoy nga ili.

Segun ken ni Evangeline Sidayen, municipal social welfare and development officer ditoy, daytoy ti bilang dagiti marigrigat a pamilia ditoy a mabenepisiaran iti 4 P’s.

Impalgak ni Sidayen a naisayangkaten ti registration ken validation kadagiti pamilia a nairaman iti listaan nupay adda dagiti saan a nakatabuno gapu iti nagduduma a rason.

Kinuna ni Sidayen a saan nga isuda ti nagpili kadagiti mabenepisiaran iti 4 P’s no di ket naibasar daytoy iti surbey nga insayangkat ti DSWD idi 2009.  Daytoy ti sungbatna kadagiti agindeg a nagriri gapu iti saanda a pannakairaman iti listaan.#