4S naipaganetget kontra dengue

CANDON CITY – Ipagpagna ti City Health Office ditoy ti implementasion ti 4 S tapno malapdan ti panagraira ti dengue.

Kinuna ni Angie Rubang, agdama a sanitary inspector ti CHO ditoy a madama nga iyim-implimentarda ti 4S: search and destroy –  panangipattog kadagiti danum a posible a pagitlogan dagiti lamok; self-protection – kas iti panagaramat kadagiti lotion ken dadduma pay a kontra lamok; seek early consultation – nasapa a panagpaagas no addan sintomas ti sakit; ken ti say no to indiscriminate fogging.

“Kontrobersial ti maikapat, saanen nga ipalubos ti Department of Health ti kanayon a fogging gapu ta nangina, ” kinuna ni Rubang. (Danny Antalan)