5 barangay, naikiddawan iti pondo

SAN JUAN, Ilocos Sur – Lima a barangay ditoy nga ili ti inkiddawan ti sangguniang bayan iti pondo iti Department of Agriculture para iti pannakatarimaan dagiti kalsadada.

Maysa a resolusion ti impasa ti SB ditoy a mangkiddaw iti pondo ken ni DA Secretary Proceso J. Alcala para iti farm-to-market roads ti Brgy. Malammin nga aggatad iti P5 million, Guimod Sur (P3 million), Guimod Norte (P4 million), Surngit (P3 million) ken Saoang (P3 million) wenno iti kadagupan nga P18 milion.

Segun ken ni Konsehal Marino Peneyra, nalaklaka ti panagibiahe dagiti mannalon kadagiti produktoda iti merkado no napintas ti kalsada kadagiti nadakamat a barangay.#