BANTAY, Ilocos Sur – Lima a tattao a pakairamanan ti maysa nga estudiante ti tiniliw dagiti polis iti nagsisina nga opera-sionda kontra iti droga itay nabiit.
Positibo ti resulta ti insa-yangkat a panagsukisok dagiti nagtitipon nga elemento ti Vigan City police station, PDEA ISSET 1, PAIDSOTG ken PIB a nakabase Ilocos Sur Provincial Police Office iti balay ni Elizar Tala Rosario, 34, naasawaan, ken residente iti Barangay Tamag, Vigan City idi agsapa ti Hulio 16.
Segun iti report, nakakum-piska dagiti operatiba iti lima a babassit a heat sealed transparent plastic sachet a naglaon iti mapapati a shabu, maysa a plastic sachet a naglaon iti masuspetsa a shabu residue, ken maysa a cal. 22 a paltik, dua a selpon, dua a getteng, ken maysa a weighing scale.
Naipan dagiti nakumpiska a masuspetsa a droga iti Camp Valentine S. Juan, Laoag City para iti pannakaamirisda iti laboratorio.
Ngem impetteng ni Tala, numero 3 iti listaan ti kapolisan a target drug personality iti probinisia, a dina ikut dagiti nakumpiska dagiti polis iti balayna no di ket planted.
Kasta met a kinunana nga awan dagiti barangay officials a nangimatang iti panagsukisok dagiti polis iti balayna.
Immun-una ngem daytoy, idi Hulio 12, natiliw iti checkpoint iti sanguanan ti Cabugao church gapu iti panagikutda iti mapapati a shabu da Rommel Anastacio y Riambon, 36, naasaawaan, ken residente iti Barangay Nagsabaran, San Juan, Ilocos Sur; Erwin Umoquit y Tuquib, 30, baro ken residente iti Barangay Maas-asin, Magsingal, Ilocos Sur; ken Francis Contaoi y Ullero, 23, baro ken residente iti 25 Lucban, San Lucas, Magsingal, Ilocos Sur.
Naammuan iti polis-Cabugao nga inseniasda nga agsardeng ni Anastacio a nakamotorsiklo, adda inliabarna a dua a kakaduana, iti impasdekda a checkpoint ngem nagbaw-ing ketdi daytoy nga umadayo isu a kinamatda agingga iti Quirino bridge sadiay Barangay Rizal.
Nakamatan dagiti polis ni Anastacio ngem nakataray dagiti kakadua daytoy.
Mapapati a nakita dagiti polis nga adda impalladaw ni Anastacio bayat ti panagtarayna ket idi sinukimatda ti lugar, nakitada ti bassit nga elongated plastic sachet a naglaon iti mapapati a shabu.
Iti dayta met laeng nga aldaw, pinadas met da Omoquit ken Contaoi a nakalugan iti Rusi 100 ti umadayo iti checkpoint idi pinasardeng ida dagiti polis ngem saanda a nakalusot.
Mapapati nga adda impalla-daw ni Omoquit iti kamasetasan ket idi sinapul dagiti polis, naduktalanda ti dua nga elongated medium heat sealed plastic sachet a mapapati a naglaon iti shabu, maysa a lighter, ken tallo a sag-P50.00.
Nakakumpiska pay dagiti polis iti ikut ni Contaoi iti shabu paraphernalia.
Iti sabali a report, idi Hulio 14, natiliw ni Aris Ruaburo y Castro, 19, 2nd year college student iti STI Bantay ken residente iti Sagayaden, Cabugao, Ilocos Sur bayat ti mapapati a panaglakona iti marihuana iti Bantay Arcade.
Nagresponde da SPO1 Vicente Palacpac ken SPO1 Miguel Britos Pigao kalpasan nga intimbre ti maysa a masek-nan nga umili ti kaadda ti dua a lalaki iti tiendaan publiko ti Bantay nga aglaklako iti maipar-parit a droga.
Nakakumpiska dagiti polis iti dua a heat sealed sachet a naglaon iti mapapati a mari-huana manipud iti ikut ni Ruaburo.
Iti kaudian a report, naipilan ti kaso a panaglabsing iti RA 9165 da Anastacio, Omoquit, Contaoi ken Ruaburo iti provincial prosecutor’s office.#
