5 menor de edad a nagubor iti bus, nabigbig

NARVACAN, Ilocos Sur – Pasig a menor de edad dagiti suspetsa iti panagubor iti maysa a bus iti Barangay Sulbec ditoy nga ili itay napan a lawas.

Nabigbigen dagiti suspetsa ngem saanda a nainaganan agsipud ta pasigda a menor de edad nga agpapada nga agbasbasa iti sekundaria ken agindeg iti nadakamat a barangay a nakapasamakan ti panagubor.

Agdaldaliasat ti Viron Transit bus a minaneho ni Josefino Melina, naasawaan, residente iti Barangay Quinarayan, ditoy nga ili, iti kalsada nasional a sakup ti nasao a barangay iti agarup alas nuebe ti bigat idi Abril 17 idi inubor daytoy dagiti lima a menor edad.

Nupay kasta, awan ti nasugatan iti panagubor.

Mapapati a nakursonadaan dagiti suspetsa nga inubor ti bus.#