5 naireport a nalmes umuna dua nga aldaw itatapog ti Enero 2017

MAGSINGAL, Ilocos Sur – Lima a tattao ti naireport a nalmes idinto nga uppat ti nayospital iti umuna a dua nga aldaw ti 2017 iti nagsisina nga insidente a napasamak sadiay Santa Cruz, Santa ken ditoy nga ili.

Tallo ti naireport a natay iti pannakalmes iti Barangay Pagsanaan Norte ditoy nga ili idi malem ti Enero 1, idinto a dead on arrival iti ospital a nakaitarayanda ti dua nga ubing a nalmes iti maysa a beach resort iti Barangay Mantanas, Sta. Cruz ken Barangay Casiber, Santa idi Enero 2.

Iti Magsingal, immuna a naireport a nalmes ni Miguel Perez y Rodelas, 12, estudiante open 24/7 and managed by PNP staff and trained provincial government personnel.

di 3:30 ti malem ti Enero 1; idinto a simmaruno a naireport a natay iti pannakalmes da Erica Mae Jacinto y Tamayo, 11, estudiante, ken residente iti San Sebastian, Tarlac City; ken Amadio Tamayo y Unana, 78, mannalon, ken residente iti Barangay San Lucas, Magsingal idi agarup 4:10 ti malem iti dayta met laeng nga aldaw.

Kas maibasar iti blotter, napan ti biktima ken dagiti gagayyemna naglalangoy iti baybay ti Barangay Pagsanaan ngem ginuyod ti napigsa a koriente da Miguel Perez ken maysa a Devon Mitchell Ramos.

Naalaw ni Devon ket naitaray iti Magsingal District Hospital ngem saan a nabirokan dagiti immarayat ni Miguel.

Nasapulanda ni Miguel idi agarup 4:50 iti dayta met la a malem ket intarayda iti Magsingal District Hospital ngem pimmusay bayat ti pannakatamingna iti ospital.

Ginuyod met nga impabaybay ti napigsa a koriente da Rhea Molina y Tequilla, Erica Mae Jacinto Tamayo, 11; ken Amadio Tamayo y Unana, bayat ti panagdidigosda iti kabaybayan.

Dagus a naalaw da Rhea ken Amadio ngem saanen a naidanon a sibibiag ti lakay.

Nasarakan dagiti nagtipon a PNP, BFP ken PDRRMC personnel a maysan a bangkay ni Erica idi agarup 4:15 ti bigat ti Enero 2, sumagmamano a metros ti kaadayona manipud iti naglalangoyan dagiti biktima.

Idi Enero 2, dua ti naireport a natay iti pannakalmes a pakaibilangan da Kiannolin Legaspi, 15, estudiante, ken ni Bryan Jay Villaruz y Bulseco, 8, Grade 2 pupil ti Rancho Community School.

Segun iti report, idi agarup 1:30 ti malem ti Enero 2, napan nagpipiknik iti Mantanas Beach ti biktima, kaduana ti pamiliana a pakaibilangan da Barangay Kagawad Simplicio Talangkay, 47, naasawaan; ken ni Wilnie Oya, 19, baro, estudiante, residenteda amin iti Dontogan, Baguio City,

Kalpasan ti pangngaldaw, naglalangoy dagiti biktima idi kellaat a simmabuag ti dakkel a dalluyon sana ginuyod dagitoy nga impataaw.

Naalaw dagiti mangngalap ti nadakamat a barangay da Simplicio Talangkay ken Wilnie Oya ket naitarayda iti Sta. Lucia District Hospital.

Nasurok a dua oras kalpasanna, nasarakan ni Kiannolin Legaspi ngem naideklara nga awanen ti biagna idi maidanon iti ospital.

Kabayatanna, mapapati a naglibas ni Bryan Jay iti balayda ket simmurot kadagiti gagayyemna a napan naglangoy ken naglugan iti rakit iti beach ti nasao a barangayda idi sakbay ti alas 4:00 ti malem ti nadakamat a petsa.

Mapapati a manipud iti rakit, kellaat a nagsuek a bimmatok iti danum ni Bryan ket nagbalaw laengen dagiti kakaduana idi saanen a limmung-aw ti biktima.

Nagpaarayat dagiti ubbing ket sinapul dagiti polis ken dagiti kameng ti MDRRMC ti biktima agingga iti nabirokanda daytoy.

Intarayda iti Gabriela silang General Hospital, Tamag, Vigan City, ngem improklama ti attending physicial a dead on arrival. (Tawid News Team)