5 nasugatan iti aksidente

CANDON CITY – Lima a tattao ti nasugatan idi saan a nakontrol ti drayber ti manibela ti dyip a naglugananda iti national highway a sakup ti Langlangca 1st ditoy siudad idi Oktubre 4.

Nagsagrap iti sugat da Dan Mariano de Guzman, 28, drayber ti dyip; Randy Padrino, Eron Garit, Norma Fronda ken Riza Valencia, agpapada a residente iti Cabaroan, San Emilio.

Segun iti inbestigasion, agpaabagatan ti dyip a minaneho ni de Guzman idi nagiwes-iwes ti lugan sa nagpakannigid iti kalsada agingga iti naidungparda.

Nupay kasta, saan met a napakaruan dagiti biktima.#