5 testing centers iti Region I pakaangayan Career Exam

VIGAN CITY – Maangay ti Career Examination iti lima a siudad ditoy Region I a pakairamanan ti Vigan City inton Oktubre 16, segun iti Civil Service Commission ditoy.

Napili nga examination centers iti Region I ti San Fernando City, La Union; Urdaneta City; Laoag City, Ilocos Norte; ken Vigan City, Ilocos Sur para kadagiti ageksamen iti career service professional ken career service subprofessional inton Oktubre 16.

Agpatingga ti panagaplikar iti nasao nga eksamen inton Septiembre 1.

Masapul nga agtawenen iti 18 ti aplikante iti aldaw a panagipilana iti aplikasion ken umili iti pagilian.#