CANDON CITY – Limapulo a mannalon ti nagturpos iti teknolohia ti panagmula iti mais iti simple a programa a naangay iti Candon City Hall ditoy idi Abril 25.
Kinuna ni Albert Valdez, agricultural corn technologist ti City Agricultural Office a naggraduar dagiti mannalon a naggapu iti Barangay Salvador 1st kalpasan ti 16 lawas a panagadalda kas paset ti programa a Farmers Field School Kasa-Kalikasan.
Kangrunaan a naiyadal kadagiti mannalon ti panagpatanor iti bin-i a mais tapno adda madadaan nga imulada iti sumaruno a panagtatalon iti mais.
Segun iti maysa a mannalon, daytoyen ti maikapito a panagadalna iti teknolohia ti panagmula iti mais.#