50% subsidy ti certified seeds, ibaklay ti gobierno munisipal

STO. DOMINGO, Ilocos Sur – Ibaklay ti gobierno munisipal ti kagudua ti presio ti sangakaban a certified seeds a gatangen dagiti mannalon ditoy tapno baliwanda ti agmula iti pagay.

Segun ken ni Municipal Agriculturist Mamerto Tacbas, daytoy a subsidy ket tulong ti municipal government kadagiti mannalon a dinidigra ti Bagyo Pepeng.

Agpateg ti maysa kaban nga irik iti P1,200 isu a P600 laeng ti bayadan dagiti mannalon nga ag-second cropping

Namnamaen ti MAO nga umadu dagiti mannalon nga agraep manen kalpasan ti panangguyugoyda kadakuada nga ag-second cropping.#