5,000 babbai, nakipaset iti World Women’s Celebration

CANDON CITY – Sumurok-kumurang 5,000 a babbai manipud iti 42 a barangay ditoy siudad ti nakipagmaymaysa iti panakarambak ti World Women’s Celebration a naangay iti Candon Civic Center idi Marso 15, 2011.

Nakipartisipar iti nasao nga okasion da City councilor Kit Singson, Rhoda Abrero ken Czarina Bona ken dagiti babbai a department head dagiti nadumaduma nga opisina ditoy siudad ket kangrunaan a bisita ni Bokal Teresita Cordero.

Malaksid ti parada ken programa, naisayangkat iti daytoy nga aldaw ti  popsmear campaign, dance competiton ken raffle draw.

Ti tema ti selebrasion: “Magna Carta of Women, The Philippine CEDAW”.#