Footer

5,000 butsina seedlings, mapaadu iti Cabugao

CABUGAO, Ilocos Sur – Agdagup iti 5,000 a bunubon ti butsina ti paadduen ti municipal nursery a maiwaras kadagiti mannalon ken non-government organizations ditoy nga ili, daytoy ti impakaammo ni Agricultural Technologist Joenah Sevilleja itay nabiit.

Kinuna ni Sevilleja a nagustuan ni Health Assistant Secretary Bernardita Flores ti pickled palm fruits idi naramananna malaksid laeng a nabaknang daytoy iti bitamina, mineral, potassium ken calcium.

Gapu iti daytoy, nagorder ni Mayor Edgardo S. Cobangbang, Jr. iti 5,000 a bukel manipud iti Nueva Ecija tapno mapaaduda ken imula dagiti agnaed ditoy nga ili tapno adda pangalaanda iti kanayonan a pamastrekanda.

Naammuan ken ni Sevilleja a mailaklakon ti pickled Manila Palm fruit sadiay Barangay Bonifacio.#