CAMP BGEN OSCAR M FLORENDO – Agdagup iti 508 dagiti polis a naipromot itay nabiit, daytoy ti impakaammo ni Police Chief Superintendent Ricardo C. Marquez, PRO1 Director.
Segun ken ni Marquez, kadagiti Police Commissioned Officers (PCOs), tallo a PCI ti naipromot a police superintendent, 3 a Senior Inspectors (PSI) ti naipromot a PCI, 11 Inspectors (PI) iti PSI idinto nga iti Police Non-Commissioned Officers (PNCOs), 2 a Senior Police Officer 3 (SPO3) ti naipromot a SPO4, 2 SPO2 iti SPO3, 5 SPO1 iti SPO2, 14 Police Officer 3 (PO3) iti SPO1, 134 PO2 iti PO3, 334 PO1 iti PO2.
Impaganetget ni Marquez ti panagbalin dagiti kaiprompromot nga opisial a napakumbaba ken responsible iti pagrebbenganda ket iti panagpangato ti ranggoda, kasta koma met ti ingangato ti commitmentda nga agserbi ken mangsalaknib kadagiti tattao.
Agtultuloy koma ti panangitedyo amin a kabaelanyo kas opisial ti PRO1, kinuna ni Marquez.#