54 baka, 20 baboy, naited kadagiti indigent nga umili

LAOAG CITY – Agdagup iti limapulo ket uppat a baka ken 20 a baboy ti naited kadagiti indigent a resipiente manipud iti sumagmamano a barangay ditoy siudad idi Mayo 3.

Mismo nga inyawat da Gov. Imee Marcos ken Laoag City ABC President Chevylle Fariñas dagiti dingnguen kadagiti resipiente manipud iti Barangay Suyo, Casili, Pila, ken Madiladig babaen ti Livestock Dispersal Program ti Provincial Veterinary Office iti simple a seremonia a naangay iti igid ti karayan ti Laoag.

Kiniddaw dagiti konseho ti barangay dagiti dingnguen a maited kadagiti resipiente tapno adda pagtaudan iti livelihood dagitoy.

Maisubli dagiti baka ken baboy iti gobierno probinsial apaman a naganakda ket  mabati ti maysa nga anak iti resipiente a taraknenna.#