5,940 nageksamen iti 2013 Nurses Licensure Exam

BAGUIO CITY – Lima ribu, siam a gasut ken uppat a pulo dagiti nageksamen iti 2013 Nurses Licensure Examination a naangay itay Disiembre 7 ken 8, 2013 iti uppat a test centers, daytoy ti inwaragawag ti Philippine Regulation Commission (PRC) Baguio Regional Office.

Impakaammo ni Regional Director Teofilo Gaius M. Sison, Jr. nga iti Baguio Test Centers, agdagup iti 2,939 ti nageksamen iti 5 a pagadalan a pakaibilangan ti Baguio City National High School, Colegio Nacional, Inc., Lucban Elementary School, Pines City Colleges, ken Pines City National High School; iti Dagupan Test Center (University of Pangasinan), 1,217 dagiti nageksamen; iti Cabanatuan Test Centers (Good Samaritan Colleges ken Wesleyan University of the Philippines), 971 dagiti examinees; ken iti Laoag Test Centers (Ilocos Norte National High School ken Mariano Marcos State University, 813 dagiti nageksamen.#