6 barangay captain, awan kinasangoda iti eleksion

VIGAN CITY – Natalna ti kalkalpas a barangay elections ditoy siudad, daytoy ti naammuan manipud iti Commission on  Elections ditoy.

Naammuan nga innem nga incumbent barangay captains ti awan ti kinasangona iti kalkalpas a panagpipili a pakaibilangan da Barangay Captain Edgar Formoso ti Barangay 1, Barangay Captain Nicolas de Leon (Brgy. 8), Barangay Captain Edwin Pajaro (Beddeng Laud), Antonio Arcellana (Brgy. 9), Larry Raboy (Pantay Fatima), ken Evaristo Titong Singson III (Brgy. VI).

Iti daytoy nga eleksion, agdagup iti 87 dagiti kandidato para barangay kapitan idinto a 604 dagiti kandidato para barangay kagawad.

Agdagup iti 39 dagiti barangay ditoy a siudad.

Naitantan ti pannakapili dagiti kameng ti sangguniang kabataan  a maangay koma met idi Oktubre 28 daytoy a tawen.#