Footer

6 bomba, naduktalan ti polis iti junkshop

BANTAY, Ilocos Sur – Innem a daan a bomba ti naduktalan itay nabiit dagiti polis iti maysa a junkshop ditoy.

Kinumpiska dagiti polis nga indauluan ni Police Inspector Arsenio Ramos dagiti naduk-talanda a vintage bombs iti Gandara Junk Shop a masa-rakan iti Barangay Naguiddayan ditoy kabayatan ti  panangiwayatda iti inspeksion ken desiminasion maipanggep iti R.A. 7832 wenno Anti- Electricity and Electronic Transmission Lines/Materials Pilferage Act of 1994 kadagiti nadumaduma a junkshops ditoy.

Maibasar iti palawag ni Christopher Abundancia y Santos, 38,  mangimatmaton iti junkshop, ken tubo iti Malabon, nailako kenkuana dagiti  bomba sumagmamanon a bulan ti napalabas.

Saannan a malagip no siasino dagiti nangilako kadagiti bomba.

Kinuna ni Ramos a dua ti nabiag pay idinto nga uppat ti saanen, segun iti explosive ordinance disposal team (EOD) nga inayabanda .

Adda ita iti ikut ti provincial police office dagiti nasao a bomba.#