6 nagminatay a barangay workers, immawat iti death aid

VIGAN CITY – Immawat manipud iti gobierno probinsial idi Abril 25 iti sag-P10,000 a death aid dagiti innem a nagminatay a barangay workers .

Naited dagiti tseke kada Melba Balite ti San Emilio, Estela Tipon ti Sto. Domingo, Renato Doles ti Sta. Maria, Alejandra Gamboa ti Banayoyo, Eva Taiza ti Vigan City ken Cenicia Palapala ti Bantay.

Sabali pay daytoy a DVBS project ni  Gov. Deogracias Victor Savellano a nairanta para kadagiti boluntario nga agserserbi iti barangay a pakairamanan dagiti barangay health workers, barangay nutrition scholars, rural improvement clubs, barangay tanod, Day Care workers ken dadduma pay. (Mancielito S. Tacadena/NBN Vigan)