6 natiliw gapu panaglabsingda iti No Helmet No Travel Ordinance

CANDON CITY – Innem a motorista ti tiniliw dagiti polis ditoy gapu iti panaglabsingda iti No Helmet No Travel Policy daytoy a siudad.

Indauluan ni SPO4 Danile Costales dagiti traffic personnel iti babaen ti superbision ni COP Police Supt. Marlo Aquino Castillo ti pannakaipakat ti nasao nga ordinansa idi malem ti Disiembre 10 ditoy.

Nakumpiska ti lisensia dagiti naglabsing ken natiketanda iti pannakamultada.

Iti baet a maipakpakat ti City Ordinance No. 149, adu latta dagiti motorista a matiliwan a di mangitaltalek ken natured nga agsalungasing iti daytoy.#