VIGAN CITY – Innem a prangkisa ti traysikel ti inreport ti committee on safety and order, transportation and public utility a makansela, daytoy ti naammuan manipud ti chairman daytoy a komite.
Kinuna ni Konsehal George Villanueva nga inreportna a makansela ti prangkisa ti innem a traysikel gapu ta nagpaltada a nangpabaro iti prangkisada iti nasurok dua a bulan.
Innayonna nga ireportnanto ti pannakakansela ti prangkisa dagiti nadakamat a traysikel tapno adaptaren ti konseho ken makanseladanton.
Kinuna ni Villanueva a bumasbassit ti bilang dagiti prangkisa dagiti traysikel a makansela iti Metro Vigan.#