600 CHED scholars, immawat ti alawans

CANDON CITY. Inawat ti nasurok innem a gasut nga iskolar iti Commission on Higher Education (CHED) – Students Financial Assistance Program ti alawansda iti simple a programa a naangay iti Candon Civic Center idi Hunio 5.

Mismo a ni Congressman Eric Singson ti nangiyawat iti alawans dagiti estudiante a sinaksian dagiti immatendar a nagannak.

Naammuan a dagiti estudiante a nagbasa iti 1st ken 2nd semester itay napalabas nga school year a di pay nakaawat iti alawansda dagiti nabunongan.

Malaksid dagiti scholars iti CHED, supsuportaran pay ni Singson dagiti iskolar ti NCIP (National Commission on Indigenous People), CEDSSG (Congressman Eric D. Singson Scholarship Grant), agriculture, culinary ken music and arts ken dadduma pay. (Danilo Antalan)