Footer

61 cops, civilians nagsanay iti basic life support

SAN FERNANDO CITY – Innem a pulo ket maysa a polis iti Region I ti nagpartisipar iti seminar workshop mainaig iti Basic Life Support a naangay iti Concorde building ti Police Regional Office ditoy idi Pebrero 8.

Karaman kadagiti nagsanay ti 50 a personnel ti PRO1 a pakaibilangan ti 28 manipud iti 1st Regional Public Safety Battalion, 16 manipud iti La Union Police Provincial Office, 5 manipud iti RHS1, ken maysa manipud iti regional headquarters.

Nakipartisipar met ti 11 a sibilian, 2 kadagitoy ti personnel ti Poro Point Mining Corporation ken 9 nga empleado ti HOLCIM Corporation.

Nagadal dagiti partisipante iti panangipaay iti emergency care, respiratory arrest ken rescue breathing, foreign body airway obstruction management, cardiac arrest ken cardio-pulmonary resuscitation (CPR) malaksid laeng dagiti lektiur ken demonstrasion iti soft tissue and musculo-skeletal injuries, bandaging, splinting, lifting and moving, packing and transport, and mass casualty incident (MCI) management.

Naisayangkat ti seminar-workshop babaen ti initiatibo ti HOLCIM Corporation ken ti Ilocos Training and Regional Medical Center (ITRMC).#