Footer

6th Vigan food, trade fair naangay iti Taguig City

TAGUIG CITY – Inangay ti Siudad ti Vigan ti maysa a food and trade fair iti daytoy a siudad idi Nobiembre 24-Disiembre 2 a nangitampokanna kadagiti partuat ken produktona.

Naammuan ken ni Vigan City Mayor Eva Marie S. Medina nga agdagup iti 19 dagiti negosiante a nakipartisipar iti nasao a food and trade fair ket nailako ditoy dagiti tradisional a produkto ken native delicacies kas iti longganisa, bagnet, sinanglaw, empanada, ken dadduma pay a food delicacies.

Kinuna ti mayora a kangrunaan a panggep ti nasao a trade fair ti pannakaipromot dagiti produkto ken native delicacies a kas pangpadur-as kadagiti small ken medium scale enterprises iti Siudad ti Vigan.

Daytoy ti maikadua a gundaway nga inangay ti Vigan City ti food and trade fair iti Villa Fernandina de Vigan. Immuna nga inangayna ti trade fair ditoy met laeng a siudad idi Abril.#