7 baro nga abogado ti Tagudin, napadayawan

TAGUDIN, Ilocos Sur – Pito a kabarbaro nga abogado a taga-ditoy nga ili a pakairamanan ti agdama a municipal administrator ti pinadayawan ti gobierno munisipal idi Abril 2.

Karaman dagiti pinadayawan ti gobierno munisipal ni Atty. Mel John Verzosa, municipal administrator ken anak ni agdama a Mayor Roque “Jun” Verzosa  babaen ti simple a programa a naangay kalpasan ti flag raising ceremony.

Malaksid ken ni Verzosa, napadayawan pay da Charlotte Fiel F. Castro ti Del Pilar; Jayson F. del Rosario ti Magsaysay; Mary Joy A. Sevilla ti Becques; Jan Karlo S. Lopez ti Magsaysay; Jovina G. Quitoriano ti Pula; ken Bernardino Paul Somera, Jr. ti Del Pilar.

Naangay ti bar examination idi Nobiembre itay napan a tawen.#