7 nasugatan iti aksidente

CANDON CITY – Pito a tattao ti nadunor gapu iti panangdungpar ti naglugananda iti rangtay iti Barangay Balingaoan ditoy siudad.

Nabigbig dagiti biktima a da Rosarito Antonio A. Carino, 49, drayber; Maria Lourdes Carino, 38 ; Maria Cecilia Beatriz Carino, 19; Maria Socorro Catalina; Antonia Carino, 16; Jose Eduardo Enrique Carino, 9; Allen Atienza, 60; ken Edgar Magdalaga, 42, agpapada a residente iti Annapolis St, Cubao, Quezon City ken ken taga-Poblacion, Tayum, Abra.

Naammuan iti inisial nga inbestigasion nga agpaamianan ti nagluganan dagiti biktima nga L300, addaan plaka ULS-467, minaneho ni Rosarito, ngem nakasabatda iti nagsikkuan iti lugan a naraniag ti silawna a nakasisirapan ti drayber a puon ti pannakadungparna iti metal barrier ti rangtay.

Naitaray dagiti biktima iti ospital idinto a nakaro a nadadael ti luganda.#