SAN FERNANDO CITY – Agdagup iti 700 a barangay tanod ti nagtraining iti self-defense ditoy siudad itay nabiit.
Nagsanay dagiti tanod kadagiti nadumaduma a wagas a panangdepensa iti bagida babaen ti panagaramat iti batuta.
Naisuro pay kadagiti tanod ti umisu a pannakaipakat ti panagaresto nga awan ti malabsing a kalintegan pantao.
Inesponsoran ni Liga Ng Mga Barangay – La Union Chapter President ken Sangguniang Panlalawigan Ex-Officio Member Manuel Victor “Mannix” R. Ortgea, Jr., ti nasao a panagsanay a manamnama a maisayangkatto pay iti sapasap a probinsia.#