71 napili nga iskolar ti kolehio babaen ti 4Ps

SAN JUAN, Ilocos Sur – Agdagup iti pitopulo ket maysa dagiti kualipikado nga agbalin nga iskolar iti kolehio iti babaen ti Pantawid Pamilyang Pilipino Program (4Ps) ditoy nga ili.

Segun ken ni Eleonor Foronda, focal person ti 4Ps ditoy nga ili, 119 dagiti nairekomenda nga agbalin nga iskolar iti kolehio ngem 71 laeng dagiti nakakualipika.

Kinuna ni Foronda a 70 kadagitoy ti agbasa iti University of Northern Philippines idinto a maysa laeng ti sumrek iti State Polytechnic University iti Sta. Maria, Ilocos Sur.

Paset ti extended student grant program ti poverty alleviation ti nasional a gobierno iti sidong ti 4Ps.#