77 natiliw gapu iti traffic violations

BANTAY, Ilocos Sur – Agdagup iti pitopulo ket pito a motorista ti tiniliw dagiti polis gapu iti panaglabsingda iti traffic rules and ordinances daytoy nga ili idi Abril 3 ken 4.

Agdagup iti 35 dagiti tiniliw dagiti polis gapu iti nadumaduma a panaglabsing iti ordinansa ken trapiko manipud iti alas 10:00 ti bigat agingga iti 6:00 ti malem ti Abril 3 iti national highway, nangruna iti sango ti municipal hall, Zone V.

Sabali pay a 42 ti tiniliw dagiti polis gapu met laeng iti traffic violations manipud iti 9:00 ti bigat agingga iti 6:00 ti malem ti Abril 4 iti met laeng sango ti municipal hall daytoy nga ili.

Immuna a nagbayad dagiti naglabsing iti treasurer’s office sakbay a naalada dagiti luganda.

Imminget ti panagtsekpoint dagiti polis gapu iti adu a kaso ti aksidente ditoy nga ili.#