Footer

79 Region I human rights desk officers naglasat iti seminar-workshop

SAN FERNANDO CITY – Nangisayangkat ti police regional office ditoy iti 2-aldaw a seminar-workshop iti human rights a naangay iti Concord Building ditoy idi Nobiembre 18-19.

Nakipartisipar iti seminar dagiti 79 a human rights desk officers manipud iti rehion a pakaibilangan ti PRO1 headquarters (5), ken dagiti uppat a PRO a pakairamanan ti La Union (12), Pangasinan (21), Ilocos Sur (26), ken Ilocos Norte (15).

Naglektiur iti nasao a seminar da Executive Judge Ethelwolda Jaravata, Police Supt. Gerardo Dia, deputy chief of the PRO1 comptrollership division, Police Supt. Gaston Cafongtan, chief of the PRO1 firearms section, Jane Cortez ti Commission on Human Rights Regional Office 1, Atty. Vermin Suen. deputy chief of the Regional Legal Office 1, ken ni SPO2 Mayla Perla Gavina ti HRAO a nangted iti overview iti PNP Human Rights Development Program.

Naisayangkat ti nasao a seminar babaen ti panangilungalong ti PRO1 Human Rights Affairs Office nga idadauluan ni Police Superintendent Perfecto Pagador ken iti suporta ni Regional Director Police Chief Supt. Franklin Jesus B. Bucayu.#