790 day care pupils, benepisario ti supplemental feeding program

SAN JUAN, Ilocos Sur – Madama ti pannakaiwayat ti panagpakan kadagiti day care pupils ditoy nga ili, daytoy ti naammuan manipud iti municipal social welfare officer  itay nabiit.

Kinuna ni MSWO Criselda Navarro nga agdagup iti 790 dagiti ubbing nga agbasbasa kadagiti day care centers ditoy nga ili ti benepisario iti supplemental feeding program.

Sakbayna, simmangpeten ti P1,232,400.00 manipud iti nasional a gobierno a maaramat iti pannakapakan dagiti ubbing nga agbasbasa iti day care iti 33 a barangay ditoy nga ili, kinuna ni Navarro.

Programa ti DSWD ti supplemental feeding program a naipangruna a panggepna ti pannakapukaw ti malnutrision kadagiti ubbing nga agbasbasa iti day care centers.#