Footer

8 agpappapusta iti hueteng, natiliw

BAGUIO CITY – Walo a masuspetsa nga agpappapusta iti hueteng ti natiliw iti nagsasaruno nga operasion dagiti polis ditoy siudad.

Nainaganan dagiti masuspetsa a jueteng collectors a da Troy Belternito, John Pugan, Jerry Adiwang, Juan Ognaden, Elmer Malabanan, Esteve Patnaan,  Kylle Molina,  ken Max Bogan.

Tiniliw dagiti polis da Pugan and Belternito iti nagkurusan ti Palispis-Aspiras Highway ken Crystal Cave Road idi Hulio 11 nga adda iggemda a papelitos.

Naaresto da Malabanan, Molina ken Bogan iti Ferguson Street ket nakumpiska kadakuada ti P1,250 a mapapati a pusta, bolpen ken papelitos.

Tiniliw met dagiti polis da Adiwang, Patnaan and Ognaden iti Barangay Green Valley ket nakakumpiskada iti  P800 in cash bets, agduduma a  parapahernalia ti hueteng ken tallo a selpon.#