8 fogging machine, naiwaras

CANDON CITY – Walo a fogging machine ti naiwaras kadagiti barangay tapno malapdan ti panagraira ti dengue ditoy siudad.

Kinuna ni Angie Rubang, sanitary inspector ti Candon City Farmers’ Health Center, a naited dagiti nasao a fogging machine kadagiti clustered barangays tapno adda maaramatda a pangparmek iti sakit a dengue iti lugarda.

Kinunana nga insayangkatda metten ti information dissemination nangruna ti panagdaldalus tapno mapukaw dagiti paggianan ken pagitlogan dagiti lamok.

“Number one pay laeng ti panagdaldalus a panglaban iti dengue.,” kinuna ni Rubang.

Nupay bassit pay laeng ti nailista a nagsakit iti dengue ditoy siudad, addan maysa a naireport a natay.#