8 naapput iti mapapati a drug den

SINAIT, Ilocos Sur – Maysa a masuspetsa a drug den ti binurak dagiti nagtitipon nga elemento ti kapolisan iti naggigiddan nga inwayatda nga operasion sadiay Barangay Ricudo ditoy nga ili idi bigat ti Pebrero 19.

Positibo ti panagsukisok dagiti nagtitipon a bunggoy ti kapolisan manipud iti Ilocos Sur PPO PIIB, PAIDSOTG, PDEA RO1, PDEA ISSET, ISPPSC, IS-HPG ken Sinait police station iti balay da Lynnel Ilustrisimo y Agdeppa, 32, naasawaan; Elmer Icari y Macugay; ken ni Felipe Agdeppa y Bayuga, agpapada a residente iti nadakamat a barangay babaen ti bileg ti imetda a search warrants nga inyisio ni Judge Marita B. Balloguing ti RTC Branch 20, Vigan City a napetsaan iti Pebrero 17.

Nakakumpiska dagiti polis iti balay ni Ilustrisimo iti maysa a heat sealed transparent plastic sachet a naglaon iti white crystalline substance a mapapati a shabu; maysa nga improvised glass tooter; 3 improvised scoop; 2 improvised needles; 2 bamboo sticks a naaramat a sealer; ken maysa a red plastic box a nakaikabilan iti heat sealed transparent plastic sachet a naglaon iti mapapati a shabu;

Nakumpiska iti balay ni Elmer Icari y Macugay iti maysa a plastic sachet a nagkara iti 7 a heat sealed plastic sachet a naglaon iti masuspetsa a shabu; 2 unit ti electronic weighing scale; maysa nga improvised glass tooter; 5 a naaramat nga aluminum foil; maysa a rolio ti aluminum foil; maysa a plastic pack a naglaon iti sumagmamano nga awan naggianda a plastic sachet; ken maysa a surgical scissor.

Awan ni Icari idi nasukisok ti balayna.

Awan met a presente ni Felipe Agdeppa y Bayuga idi iwayat dagiti polis ti panagsukisok iti balayna a nakakumpiskaan iti maysa a pedaso ti medium size heat sealed plastic sachet a naglaon iti mapapati a shabu; maysa a heat sealed transparent plastic sachet a naglaon iti mapapati a shabu; 2 pedaso ti heat sealed transparent plastic sachet a nagkarga iti masuspetsa a shabu; 8 nga elongated aluminum foil nga addaan mapapati a shabu residue; maysa a digital weighing scale; maysa a bag ti di naaramat a plastic sachet; maysa a narolio nga aluminum foil; 3 a getteng; 7 nga open plastic sachet nga addaan masuspetsa a shabu residue; 6 a lighter; maysa nga improvised glass tooter; maysa a heat sealed transparent sachet a naglaon iti marijuana fruiting tops; maysa nga elongated foil a naglaon iti nagango a bulong ti marihuana; ken maysa a nangisit a jewelry box.

Naapput bayat ti operasion dagiti polis dagiti walo a bisita iti mapapati a drug den a pakaibilangan da Rhonie Agdeppa y Melendrez, 46, naasawaan; Allen Agdeppa y Melendrez, 44 , naasawaan; Marion Agdeppa y Melendrez, 48, naasawaan, agpapada amin a residente iti Barangay Ricudo, Sinait, Ilocos Sur; Jerome Quitoriano y Ibañez, 23, baro, residente iti Barangay Namnama, Sinait, Ilocos Sur; John Darius Guelas y Cajigal, 22 , baro, residente iti Brgy. 2, Garreta, Badoc, Ilocos Norte; Randy Braceros y Nicolas, 19, baro; Jelvin Andino y Cutaran, 36, naasawaan, agpada a residente iti Brgy. Bungro, Magsingal, Ilocos Sur; ken John Lloyd Sonico y Agdeppa, 16, residente of Brgy Ricudo, Sinait, Ilocos Sur, a nakakumpiskaan dagiti polis iti maysa a homemade cal. 22, awanan iti serial number ken addaaan iti maysa a magasin a nagkarga iti bala ken kapsula iti chamberna.

Naipan amin dagiti naaresto a tattao agraman dagiti nakumpiska iti police station ditoy para iti umisu a disposision ken dokumentasion.#

3 nabettakan iti