Footer

8 natiliw a nagisayangkat repacking iti bagas: PNP chief

ABRA – Impalgak ni PNP Director General Avelino Razon nga addan walo a natiliwda nga indibidual a nagisayangkat iti rebagging iti bagas idinto nga impatalgedna nga agtultuloy ti operasion ti PNP maikontra kadagiti manggungundaway iti krisis iti bagas.

“Ited ti PNP ti suportana iti Department of Agriculture ken National Food Authority tapno masigurado a dumanon kadagiti umili dagiti suplay ti bagas,” kinuna ni Razon bayat ti interbio kenkuana ti media ditoy.

Nupay kasta, kinuna ni Razon nga awan ti krisis iti bagas ta adda umanay a suplay.

“Nagkakaroon lang ng perception na nagkukulang (ang bigas) dahil sa panic buying (Agparparang laeng nga agkurkurang gapu iti panic buying),” kinuna ni Razon.

Kinunana a monmonitoren ti PNP dagiti posible a pana-gilemmeng iti bagas, mani-pulasion iti presio ti bagas ken repacking dagiti NFA rice tapno mailaokda iti commercial rice.

Timmabuno ni  Razon ket iti Local Security and Peace Council a naangay iti Abra a ni Presidente Gloria Macapagal Arroyo mismo ti kangrunaan a sangaili. (Danny Antalan)