80 water pumps, naiwaras

CANDON CITY –  CANDON CITY – Walopulo a water pumps ti naiwaras kadagiti mannalon iti 42 a barangay idi Enero 31 kas paset ti programa ti city government a pangpadur-as iti agrikultura ditoy.

Mismo nga inawat dagiti barangay officials dagiti 42 a barangay ditoy dagiti Robin 5 Horsepower a water pumps kada City Mayor Allen Singson, Vice Mayor Alfonso Singson ken dagiti konsehal ti siudad, ken ni sigud a Deputy Speaker Eric Singson.

Immawat dagiti opisial iti sag-dudua a water pumps para iti barangayda kas nayon dagiti farm equipments nga immun-unan a naited kadakuada a pakairamanan ti kuliglig, sprayer ken dadduma pay.

Kinuna ni dati a Cong. Singson a posible a maaddaan iti panagkirang ti food supply gapu kadagiti kalamidad a mapaspasamak iti nadumaduma a lugar ditoy pagilian ket namnamaenna a babaen dagiti naited a ramit-talon, mapadakkel ti produksion dagiti mannalon ditoy siudad.#