Footer

Motorsiklo, intaray ti menor de edad

SANTIAGO, Ilocos Sur – Menor de edad pay laeng ngem agitarayen iti motorsiklo.

Naidatag ti menor de edad a nailinged iti nagan a Jerry, residente iti Barangay Salimcub ditoy nga ili, iti kuerpo ti polis ti Candon City agsipud ta nasukalan iti ikutna ti XRM motorcycle a kukua ni Rodrigo Ponsoy, residente iti Barangay San Agustin, Candon City.

Naammuan iti report nga imparking ti biktima ti luganna iti uneg ti paraanganda ngem awanen iti kabigatanna.

Narekobre ti nasao a motorsiklo babaen ti panangitip dagiti barangay officials iti Salincub iti polis nga adda ti lugan iti ikot ti suspetsa.#