Footer

9 nadundunor iti panagdinnungar ti dua a lugan

TAGUDIN, Ilocos Sur – Siam a tattao a pakairamanan dagiti dua a drayber ti nadundunor idi nagsinnapgid dagiti luganda sadiay Barangay Bimmanga ditoy nga ili idi parbangon ti Hunio 10.

Naitaray iti Ilocos Sur District Hospital, Barangay Bio, Tagudin para iti pannakaagas dagiti dunorda da Robert Bituin y Basmayor, 38, baro, residente iti B1 L16 Piedra Blanca, HMS, Antipolo Citberi, ken drayber iti Mitsubishi L300 Utility Vehicle; Brendo Domantay y Vallo, 38, naasawaan, drayber iti ISUZU Stake with Canopy truck ken residente iti Brgy. Ano, San Carlos City, Pangasinan; dagiti pasahero iti Mitsubishi a da Raul Bituin y Binua, 56; Alvan Feria; Karem Pascalado y Pausan, 28; ken Levita Feria y Bituin 49; ken dagiti pasahero iti Isuzu Stake a pakaibilangan da Zaldy Domantay y Vallo, 43; Jimmy Domantay y Vallo; ken Santy Cayabyab y Restoles, 26.

Segun iti report, agpaabagatan a direksion ti Mitsubishi iti national highway a sakup ti Barangay Bimmanga ngem mapapati a nakatuglep ni Bituin ket kimmaut ti luganna iti linia ti sumungad nga Isuzu truck ket nupay pinilit ni Domantay a lisian ti makasabatna, nagdinnungparda latta.

Kas resulta, dinungpar ti Mitsubishi ti kongkreto a marker ti pagadalan sa naisubsob iti kataltalonan.

Agpada a nagsagrap iti dadael dagiti dua a lugan a nainbolbar iti aksidente.#