9 police stations, napadayawan

BANTAY, Ilocos Sur – Siam a police stations ti napadayawan bayat ti 112th Police Service Anniversary a naangay iti Camp Elpidio Quirino, Bulag, ditoy nga ili itay nabiit.

Napadayawan ti police station ti Vigan City ken Sto. Domingo gapu ta isuda ti kadakkelan ti bilang dagiti napabaro nga armas.

Ti Narvacan ti kaadduan ti na-neutralized a private armed groups (PAGs) idi panagkampania iti eleksion idi Mayo 2013.

kaadduan ti Candon City ti naiserbi nga arrest warrants idi 2012 idinto a kaadduan ti naaresto a wanted persons iti dayta met la a tawen ti Tagudin City.

Ti Sta. Lucia ti kaadduan ti aktibidad iti Family Juvenile Gender and Development (FJGAD) idinto a kaadduan iti aktibidad iti pannakaprotektar dagiti babbai ken ubbing ken namonitor a kaskasoda mainaig iti violence against women and children ken children in conflict with the law ti police station ti Santa ken Sta. Cruz.

Napadayawan met ti Caoayan  police station  gapu iti nasayaat ti pannakamentenar ti opisinana. (Manipud iti report Imelda Castro-Rivero/PIA1-Ilocos Sur)