9 trabahador, nasukalan a nagtakaw iti siam a sako ti bagas

BANTAY, Ilocos Sur – Dua a trabahador ti nasukalan bayat ti panagipuslitda kadagiti sinako a bagas manipud iti pagtrabahuanda a rice mill iti Barangay Taleb, ditoy nga ili idi parbangon ti Enero 17.

Innaganan dagiti polis dagiti suspek a da Noli Piano y Pugal, 47, naasawaan; ken ni Romeo Pieda y Pugal, 44, naasawaan, agpada a residente iti Barangay Ora West ditoy met laeng nga ili.

Nasukalan ni Timoteo Cariño y Peria, 81, ama ti akinkukua iti Pingen Rice Mill a ni Edna Pingen y Cariño, dagiti suspek agbagbagkat kadagiti sako a bagas sada intinnag iti ruar ti kongkreto nga alad iti amianan a paset ti rice mill.

Iti panagpalutpot dagiti polis, inaklon dagiti suspek a nagkukomplotda amin a siam a  trabahador iti rice mill.

Nakalibas ti maysa a managan Pedro Piano y Piano, 29, naasawaan,  kalugaran dagiti suspek, ken masuspetsa a mangkarga kadagiti sinako a bagas babaen ti traysikelna.#