Abrasa ti kasapulan ti plumada (Tuloyna)

Dagiti opisiales ti IKWC: , Romeo Licudine, presidente; Guillermo Lardizabal, bise presidente;Gliceria Manzano, sekretaria; Ma. Corazon “Dj DM” Moria, katulong a sekretaria; Maritess Bulatao, tesorera; Jessie ‘Dj Ace” Fabro, oditor; Harry “Dj Wency” Manzano ken Alejandro Pascua, Jr., press relation officers; Leo Legaspina ken Edwin Edmark de Guzman, business managers; Julie Pat Lanuza, musa, ken Philip Binay-an, adonis.

Agpaay a mamagbaga da Mayor Roque S. Verzosa, Jr. ti Tagudin; Ms. Estrellita “Mama Es” del Rosario – station manager, 90.7 MHz FM; Ptr. Romeo Patacsil; Ptr. Leonito Torreliza; Monica Flores; ken Mr. Moises Laza.

Dagiti opisiales ti TALDIAP: Jorge G. Placido, president; Leonardo R. Agunoy, vice president; Eroline G. Martinez, secretary; Recson Pante, asst. secretary; Edward F. Pasalo, treasurer; Rufino C. Dugay, auditor; Emerson Ramos, PIO; Kerwin Domingo and Rodel Reyes, business managers; Aira Rowena R. Banglas, muse;

Mr. Leonard D. Villa, Mrs. Agustina Rabago-Bugaoisan and Sr. Melanie Luz Morales, asst. station manager, CMN Radio DZEA, advisers; Rev. Fr. Nolasco “Tom” Pascua, station manager, CMN Radio DZEA, spiritual adviser; Atty. Mariano Nalupta, Jr., legal counsel.

Iti pannakiinnumanko ken ni Ms. Estrelita “Mama Es” Del Rosario, station manager ti 90.7 MHz FM Radyo Natin, kinunana nga idi damo adda panagduaduana iti kinaadda ti para iti literatura ta sabali a format ti programa iti FM radio. Ad-adda ngamin a pasig a tokar ken damag ti mangngeg kadagiti FM radio. Ngem itan, addan dandaniw ken dagiti ababa a salaysay dagiti kameng ti IKWC.

Ngem insungbatko met a maysa nga innovation daytoy. Uray dakami idiay Baguio, inaramatmi (dakami iti Baguio Writers Guild) ti dua nga FM Radio a nagidaniwan kadagiti putar dagiti mannaniw iti Baguio babaen ti tulong ti UP-Baguio Educational Foundation ken National Commission for Culture and the Arts (NCCA).

“Pamrayanmi laengen ti agsurat iti radio (DZEA)…” madlaw ti kinapakumbaba iti anag ti surat ni Narding Agunoy. Mabasa ti kinalam-ek ti panawenda ket kasapulan iti abrasa.

Ngem saan la ngata nga ammo dagiti kameng ti TALDIAP a nagsursuratak met iti programa a naipatangatang iti DZEA manipud idi 1991 agingga iti 1995 babaen kadagiti dua a religious drama program, “Ti Biag Ni Jesus” ken ti “Dalan, Kinapudno, ken Biag.”

Pito a tawen (1991-1997) a nagsursuratak kadagiti sangapulo ket tallo a drama iti Catholic Media Network (CMN), a naipatangatang met laeng kadagiti amin a CMN radio iti Northern Luzon a kas iti DZCV, Tuguegarao, Cagayan; DWRV, Bayombong, Nueva Vizcaya; DZWT, Baguio City; DZPA, Bangued, Abra; DZNS, Vigan, Ilocos Sur; iti maysa pay a CMN radio iti Alaminos City, Pangasinan ken uray iti DWDY, Ilagan, Isabela. Malaksid kadagitoy sangapulo ket tallo a programa ti CMN, adda pay tallo a drama translation a sinurat met laeng toy numo a kas ti “Adda Latta Namnama” ti Lutherans ken kadagiti drama program dagiti ahensia-nasional.

Kasapulan a maabrasa dagitoy a budding writers. Saan laeng koma nga akem dagiti radio a nanginaw kadakuada, ti Tawid News Magasin, ken ti The Valley Journal no di datayo amin amin a mannurat a nakaibudaken ti naganna iti Literatura Ilokana.

Saan koma ida a baybay-an; ta ti panangbaybay-a kadakuada ket idatengna ti dakdakkel a posibilidad ti panaglaylayda iti masakbayan, ta kayariganda ti bukel a nagtubo iti nabato a daga. Iti panangtagiben iti bukod a dila, uray no di kameng iti GUMIL wenno TMI dagitoy a timpuyog, karamanda met iti panagdur-as ti Literatura Ilokana…

Ur-urayenda ti abrasam…ita koman!

“Uray no dagiti nagpalausan a makinilia la koma,” dayta man ti arungaing ti dua a grupo. Makaisemak, wen, ta iti baet ti intay panangipasulin wenno panangibaber pay ket ngatan iti makinilia, kasapulanda la unay daytoy a kas kangrunaan a gamigamda iti inda met pannakiraman a mangparangpaya ken mangpatalinaed iti bukodtayo a dila iti agnanayon.

Iti krismas parti idi 2006 a dinar-ayak, sinagutan ti GUMIL La Union iti makinilia ken liblibro ti maysa pay a timpuyog dagiti budding writers, ti Pluma ni Bucaneg, babaen ti panangidaulo ni Rodgerry Rodriguez. (Ni Romeo Licudine ti nangawat ti makinilia.) Nagdakkel ti panagpuspuso ti GUMIL La Union babaen iti panangidaulo ni Djuna Alcantara ta dina impaidam ti aniaman a maitulongda kadagiti agdadamo ken sumingsingising a mannurat. Umadu koma ti kas kadakuada!

Agur-uray met ti TALDIAP ken IKWC iti abrasam, kabsat a mannurat ken patron ti Literatura Ilokana… ita koman!