Agama, ginandat a patayen armado a lallaki

PASUQUIN, Ilocos Norte – Ginandat a patayen dagiti armado a tattao ti agama bayat ti panangrabiida iti pagtaenganda iti Barangay Davila, ditoy nga ili idi Mayo 27.

Segun iti report, kritikal ti kasasaad ni Jeffrey Reintegrado, 35 ket naiyakar manipud iti Gov. Roque Ablan Memorial Hospital a nakaitarayanna iti Batac General Hospital gapu iti sugatna iti tengnged, likud ken tumengna.

Nagdalan met iti operasion ni John Reggie, 10, anak ni Jeffrey tapno maikkat ti bala iti siketna.

Segun iti report, madama ti panangrabii dagiti agama agraman iti asawana idi simrek dagiti uppat a di nabigbig a lallaki sada pinaltogan dagiti biktima.

Mapapati a nakaawat ti ama iti pangta babaen ti text sakbay ti pammaltog.#