Aganawa, nabagsol

SANTIAGO, Ilocos Sur – Aganawa koma iti riri dagiti kaarrubana ngem daytoy ketdin ti nakagapu iti pannakabagsolna.

Nabagsol ti likud ni Joel Espia, 27, residente iti Poblacion Norte ditoy ket naitaray iti ospital para iti pannakaagas ti sugatna.

Nainaganan ti nangbagsol kenkuana a ni Marvin Egar, residente iti Barangay Mambug ditoy met laeng nga ili.

Segun iti report, rimmuar ni Espia tapno anawaenna dagiti kaarrubana nga agririri ngem isu ti nakaidas-alan ti pungtot ni Egar a puon ti nangbagsolanna iti biktima.#