Agassawa, naaksidente

SANTIAGO, Ilocos Sur – Sinapgid ti maysa a bus ti motorsiklo a nagluganan ti agassawa bayat ti panagdaliasatda iti barangay Dan-ar, Santiago, Ilocos Sur a puon ti nakayospitalanda.

Nabigbig dagiti biktima a da Dominador del Rosario, 48, ken ti asawana a Milagros, agpada a residente iti barangay Calaoaan, Candon City.

Segun iti inbestigasion, labsan koma ti Fariñas bus a minaneho ni Nicandro Pilotin, residente iti Aggay, Bantay, Ilocos Sur ti Honda Wave, addaan plaka OL-7076,  a nagluganan dagiti agassawa, ngem adda masabatna a lugan ket iti panagpaigidna, nasapgidna ti motorsiklo.

Naitaray dagiti biktima iti Candon City Hospital para iti pannakaagasda. (Danny Antalan)