Agassawa, natakawan

STA. MARIA, Ilocos Sur – Nagreport ti agassawa  iti polis a natakawanda iti selpon ken spare parts ti lugan itay nabiit.

Iti pulongda iti polis, kinuna ni Rogelio Martinez, 43, naasawaan, negosiante, ken residente iti Quezon Blvd, San Carlos, Pangasinan ken temporario nga agnaed iti barangay Poblacion Norte, ditoy nga intaray dagiti mannanakaw dagiti sumagmamano nga spare parts ti luganda a CRV bayat a nakaparking iti sanguanan ti ab-abanganda a balay iti Poblacion Norte ditoy.

Inreport met ti asawana a natakaw ti selponna a Nokia 3200 iti uneg iti pagdagusanda.

Di pay nabigbig dagiti mannanakaw.#