Footer

Agbambantay iti fish cage, napaltogan

SAN JUAN, Ilocos Sur – Maysa a caretaker  ti napaltogan bayat ti panagbantayna iti fish cage idi lawasna.

Naitaray ni Ruben Rodas, 18, baro, residente iti San Isidro ditoy nga ili iti Magsingal District Hospital sa naiyalis iti Gabriela Silang General Hospital Hospital para ti pannakataming ti sugatna.

Naammuan iti report a napan nagbantay iti rabii ti biktima iti fish cage iti Sitio Rimas, Barangay Pagsanaan ditoy ket rimmuar iti kubo ngem pinaltogan ti di pay am-ammo a tao.

Madama ti panagimbestiga ti polis no sino ti pimmaltog iti biktima ken no ania ti motibo ti pammaltog.#