SAN ILDEFONSO, Ilocos Sur – Kinuna ni Mayor Christian Purisima nga immadu dagiti agbasa iti kinder ditoy isu a nagnayonda iti maestra.
Kinuna ti mayor a kayatna a menteneren a 25 kinder pupils kada maestra tapno saan a marigatan dagiti ubbing a sumurot iti leksionda.
Libre ti panagbasa iti kinder ditoy nga ili kas paset ti programa ti mayor a mangipangruna iti edukasion agsipud ta daytoy ti pundasion ti masakbayan dagiti ubbing.
Suelduan ti gobierno munisispal dagiti nainayon a maestra nga agisuro iti kinder.#