Aggaagab, nasalamaan dagiti polis

SINAIT, Ilocos Sur -Dumayo pay gayam dagiti taga-Badoc City nga umay agtakaw iti baka ditoy Ilocos Sur.

Segun iti report manipud iti polis ditoy, nasalamaanda bayat ti panagpatroliada ti maysa a lalaki a mangguyguyod iti maysa nga urbon a baka sadiay Barangay Binacud ditoy nga iliĀ  idi rabii ti Hulio 27.

Iti report ni Police Inspector Jaymar Tapiru Algeria, deputy chief of police, bayat ti panagpatroliada iti Barangay Binacud idi agarup 10:10 ti rabii ti nadakamat nga aldaw, nasalamaanda ni Noel Valdez y Yoro a.k.a. Burcio, 42, ken residente iti Barangay Lubigan, Badoc, Ilocos Norte nga adda uk-ukodenna nga urbon a baka.

Tiniliw dagiti polis ti suspek idi awan maipakitana a dokumento a pakakitaan a kukuana ti urbon a baka a mapattapatta a makatawen laeng ken awanan pay iti marka.

Naipila ti kaso a panaglabsing iti PD 533 wenno anti-cattle rustling maikontra ken ni Valdez sadiay provincial prosecutorā€™s office, Vigan City.#