Aggayyem, nagdinnisnog

SUGPON, Ilocos Sur – Agpada a naiyospital dagiti aggayyem kalpasan a nagririda ken nagdinnisnogda bayat ti panaginomda iti maysa a pagtaengan iti poblacion ditoy nga ili idi agarup 7:30 ti rabii ti Oktubre 7.

Naiyospital da Richard Padsing y Angiw, baro, residente iti Barangay Poblacion ditoy nga ili, ken ni James Atgebba, baro, residente iti Barangay Purpuriket, Sudipen, La Union gapu iti sinagrapda a dunor gapu iti panagboksingda.

Naammuan iti police blotter a nagginom dagiti dua iti maysa a balay ket naparnuay ti dida panagkinnaawatan a nagtungpal iti panagboksingda a nakabtakan ti akinngato a bibig ni Atebba ken nakadunoran ti kanawan a mata ken kannigid a saka ni Padsing.#