Aggiinom, naparakapak, 1 natay

SINAIT, Ilocos Sur – Maysa a baro ti natay idinto a nasugatan ti maysa kadagiti kainumanna kalpasan a pinarakapak ida ti di pay am-ammo nga armado a tao iti Barangay Pug-os ditoy nga ili.

Saanen a naidanon ti biag ni Reynaldo Yadao, 33, baro, residente iti Barangay Teppeng ditoy nga ili idi maidanon iti Sinait District Hospital gapu iti dunorna iti barukong, kanawan a luppo ken dua nga imana.

Nasugatan met ni Danilo Talania ket naitaray iti Mariano Marcos Memorial Hospital.

Nakarekobre dagiti polis iti siam a kapsula ken innem a buli manipud iti cal. 9MM nakapasamakan ti pammaltog.#